Hungaria ishte në mesin e vendeve që vendosën t’i bashkohen Britanisë së Madhe në dëbimin e diplomatëve rusë.

Për këtë edhe Moska rezervoi të drejtën për t’u përgjigjur veprimeve të Hungarisë mbi helmimin e Skripalit, transmeton portali arbresh.info.

Rusia ka deklaruar një diplomat hungarez persona non grata në përgjigje të lëvizjes armiqësore të vendit ndaj Moskës në lidhje me helmimin e ish oficerit të inteligjencës ruse Sergei Skripal dhe vajzës së tij në tokën britanike.

Më 30 mars, Rusia njoftoi për dëbimin e diplomatëve të shteteve perëndimore në Mbretërinë e Bashkuar dhe një numër vendesh evropiane, si dhe SHBA, Kanada dhe Australi, që përjashtuan stafin diplomatik rus.

Megjithatë, veprimet e katër vendeve, duke përfshirë Malin e Zi, Belgjikën, Hungarinë dhe Gjeorgjinë, mbetën pa përgjigje nga Moska./Arbresh.info/